Эстононь-эрзянь валксосонть 6000-до ламо эрзякс ютавтозь эстононь прявт валт. Валонь пурнамо юрокс кармась 2014-це иестэ анокстазь эстононь келень эрявикс валтнэнь валксось (малав 5000 сеедьстэ вастневиця эстононь келень валт). Валонь статьянь лувокс ашти Эстононь Келень Институтсо нолдазь эстононь-Х валксонь лув, косо основной лексикань прявт валтнэнень ульнесть кочказь эрявикс валт ды валсюлмавкст. Сынст лисьмапрякс сехте пек ульнесь эстононь келень валонь ёвтнема валксось, ансяк неть невтевкстнэнь, бути эрявсь, редакторось полавтынзе или путсь тарказост одт.
Эстононь весе эрявикс валтнэнь туртов эрзянь кельсэ эрявикс валонь муемась стакаль, эрзянь келень коряс арасть сатышка ламо ды сатышка покш нормативной валкст ды кой-кона терминологиянь категориятне апак касто-келейгавто. Истя жо неень шкань эрзянь кельсэ тевс нолдавить пек ламо рузонь кельстэ саезь валт. Эрзянь кельсэ тевс нолдавиця валтнэде свал а саты ды келень чарькодевезь кастомась-келейгавтомась пек эрявикс.
Валксосонть истя жо максозь од валт, конатнеде сатышка ламо эрьва чинь тевс нолдамосо. Сынст марто вейсэ максозь рузонь келень вариантт, конат седе сеедьстэ нолдавить тевс. Келень од валтнэ башка апак яво.
Валксосонть бажинек кирдемс литературной норманть, а нолдамс тевс кортавксонь валт. Ялатеке литературной кельсэ башка кортавкссто улить синонимть, конат чарькодевтить вейке тев, саемга, неень шкань эрзянь кельсэ тикшенть эли ракшанть ламо лемензэ. Теицятне арсесть совавтомс валксонтень литературной кельсэ вастневиця эквивалентт.
Статьянь юрс совавтозь:
Эстононь прявт валось максозь статьянь ушодкссо ды теезь неявиксэкс эчкестэ сёрмадозь. Прявт валокс эрси вейке валонь лув (невтемга aadress, tulema, eile), валсюлмавкс (невтемга aru saama) эли киртязь вал (невтемга WC). Прявт валонтень максозь грамматической ёнксонзо: кортамо пелькс ды валонть основной форманзо. Грамматикань ёнксонзо максовить ужонь кондямо скобкасо свалонь сёрмадовкссо. Основной форматнесэ тешкстазь кувалмось (тешкс ꞌ), аволь свал эрсиця вачкодьксэсь (тешкс `), ды истя жо валлувось полавтовиця буензэ марто (тешкс [ ды /).
Валсюлмавксонь коряс максовить ансяк меельце компонентэнь форматне, конатнень икеле ашти тешксэсь +. Кортамо пелькстнэде, ламо смусть марто прявт вал мельга, эрси зярыяк, конкретной смусть марто кортамо пельксэсь невтеви истя жо смустень номерэнть мельга (невтемга noor). Зярдо валось полавтневи падежга эли полавтневи лицява а вейкетьстэ, сестэ максовить кавонест варианттнэ (невтемга muuseum, mõis, sulgema). Вариантокс эрси истя жо аполавтовиця вал (невтемга aga). Основной формадонть мельга моли орфоргафической валксонь полавтнема группань номер ды ссылка сонзэ лангс.
Прявт валонть смустензэ невтевить эрьва ладсо:
а) омонимтне максовить башка статьясо, яви эйсэст вере индексэсь, невтемга: kurk1 ja kurk2;
б) ламо смусть марто прявт валтнэ явовить смустень коряс арабской цифрасо, невтемга: päike;
в) седе вишкине смустень явомась максови чарькодевтемасо (невтемга abielluma) ды тешкставомасо.
Чарькодевтемась ашти эквивалентэнть икеле, максови кирксала скобкасо ды курсивсэ, невтемга: ajama. Толковамокс эрси синоним, чарькодевтема эли мезеяк лия.
Тешкстнэ (вант Тешкст ды киртямот) максозь покш буквасо ды аштить чарькодевтемадонть икеле. Специальностень терминтнэ сюпалгавтовить эрявикс специальностенть тешкссэ (aj, ehit, med). Стилень тешкстнэ максовить келень стилистикань тешкстамсто (kõnek, hlv). Кандовозь смусть марто валось эли валсюлмавксось кандови тешксэнтень piltl. Специальностень тешкстнэ максыть характеристика кода эстононь келень, истя жо эрзянь келень эквиваленттнэнень ды сынст ютавтовкстнэнень.
Эрзянь эквиваленттнэ максозь прявт валонь грамматической информациядо ды смустень характеристикадо мейле — башка, эрьва смусть ало. Эквиваленттнэ неявиксcтэ явозь сэнь тюссо. Смустень коряс малавикс эквиваленттнэнь ютксо ашти запятой, васоло смустень коряс эквиваленттнэнь яви точка запятой марто (;). Зярдо прявт валонть или сонзэ смустензэ туртов виде эквивалент арась, сынь явовить кавто точкасо (:). Кавто точкадо мейле сеске молить тевс нолдазь невтевкст (ютавтовкс марто).
Эрзянь существительнойтнень коряс невтеви сынст ламонь числань суффиксэст ды стядо черькс вельде невтеви суффиксэнь педявтовиця таркась, невтемга: сэд|ь <-ть> невти, ламонь числань формась — сэдть. Глаголтнэнь коряс невтеви сынст васенце ютазь шкань претеритэнь вейкень числань 3-це лицянь формась, кона педявтови глаголонь валлувонтень стядо тешкс вельде явовиця таркантень, невтемга: те|емс <-йсь> невти, претеритэнь вейкень числань колмоце лицянь формась — тейсь.
Эрзянь эквиваленттнэнь мельга эрси невтевкс Эстононь этимологиянь валксонь прявт вал лангс, зярдо эквивалентэнть эстононь кельсэяк этимологиянь теке смустезэ. Этимологиянь смустесь кой-зярдо теке, кодамо прявт валонтькак, невтемга: suusk (эрзякс ютавтовксось сокс этимологиянь эквивалентэсь ► suusk), эрси лияяк, невтемга: suvi (эрзянь ютавтовксонтень кизэ этимологиянь эквивалентэсь ► kesa). Линкесь этимологической валксонтень панжови браузэрэнь од лопасо.
Эстононь тевс нолдавиця невтевкстнэсэ чарькодевтить, кода тевс нолдавиця прявт валось сюлмави лия вал марто. Тевс нолдавиця невтевкстнэ сермадовить мейсэяк а явовиця буквасо ды аштить эрзянь ютавтовксонть икеле. Тевс нолдавиця невтевксэсь эрси (парсте чарькодевиця) стакалгавтозь вал, валсюлмавкс, кувака фраза эли цела валрисьме.
Эрьва невтевксэнтень эли эрьва смустентень максови эрзякс ютавтовкс (явозь пиже тюссо), козонь истя жо максови кочказь управления ды стилень невтема.
Невтевкстнэ эрсить смустень эли грамматикань коряс. Смустень невтевкстнэсэ тевс нолдавить киртязь невтевкст (vt, vt ka, vrd). Смустень невтевкстнэ невтить лия статья лангс, косо ули информация валонть вариантонзо коряс (невтемга seepärast vt sellepärast). Грамматикань невтевкстнэсэ тевс нолдави невтема налнэ →. Сон вети ве формань лиякстомозь юрсто алкуксонь юронтень (невтемга alates → algama, juuksed → juus).
Тешкстнэ невтить:
Весе валкстнэнь вейсэнь киртямотнень толковамост муевить киртянь валонь лемрисьместэ.
| < > | грамматикань содамочить |
| ' | III кувалмонь эскелькс |
| ` | аволь свалонь вачкодькс |
| & | параллельной форматнень ютксо (грамматикань содамочисэ) |
| + | стакалгавтозь валонь буй |
| { } | управлениядо кевкстема |
| → | грамматикань коряс невтевкс |
a b (c) d e f g h i j k l m n o p (q) r s š z ž t u v (w) õ ä ö ü (x) (y)