Эст подув кывворса уна кыв комиöдны эз вöв кокни, сы вöсна мый коми нормативнöй кывчукöрыс абу на тырмымöн либö абу тырмана ыдждаа, кутшöмсюрö обласьтса терминология сöвмöдöма омöля. Нöшта на и öнiя коми кывйын унакодь рочысь вежлавтöг босьтöм кывйыс. Комиöн сёрнитöны пыр этшаджыклаын, и кывсö тöдöмöн сöвмöдöмыс колö зэв ёна.
Кывчукöрас эмöсь и выльöн думыштöм кывъяс, кодъясöс корсюрö позьö нин кывлыны быдлунъя сёрниысь. Накöд тшöтш сетöма и тшöкыдджыка паныдасьлысь рочысь пырöм кывъяссö. Выль кывъяссö некыдзи абу тöдчöдöма, шуам, aadress - адрес, инпас.
Кывчукöр дасьтысьяс зiлисны кутчысьны гижöд кыв нормаясö да не пыртны сёрнисикасъясса кывъяс. Но и гижöд кывйын эмöсь диалектъясысь пырлöм синонимъяс, шуам, талунъя гижöд кывйын уна быдмöг да пемöс тшöкыда нимтöны некымын ног. Авторъяс зiлисны пыртны кывчукöрас гижöд кывйын бергалысь кывъяс.
Кывчукöрса статьялöн юкöнъяс:
Быд статья заводитчö кыза сьöдöн тöдчöдöм эст юркывсянь. Юркывнас вермö лоны кывйыслöн подув формаыс (шуам, aadress, tulema, eile) ), кывтэчас (шуам, aru saama) либö дженьдöдöм (шуам, WC). Сэсся пельöса скобка костын вöсни гижöдöн пасйöма юрнима кывйыслысь грамматика тöдмöсъяссö: кывсикассö, вежласьысь кывъяслысь шöр формаяссö. Шöр формаясас петкöдлöма слогыслысь кузьтасö (' пасöн), вежласяна ударениесö (` пасöн) да кывдiна-кывйылалысь костсö ([ да / пасöн). Тэчаса кывъяслысь сетöма сöмын бöръя юкöныслысь формаяссö да водзас пуктöма + пас. Некымын вежöртаса юркывлöн вермас лоны пасйöма некымын кывсикас. Быд вежöртаслысь кывсикассö торйöдöма номерöн (шуам, noor). Кывсö кö позьö вежлавны кык ног, индöма кыкнан вариантсö (шуам, muuseum, mõis, sulgema). Вариантöн вермö лоны и вежласьтöм кыв (шуам, aga). Шöр формаяс бöрын индöма вежласян типыслысь орфография кывчукöрса номерсö да сетöма ыстöд.
Юркывйыслысь вежöртасъяссö торйöдöма некымын ногöн:
a) омонимъяс сетöма торъя статьяясöн да тöдчöдöма найöс индaсöн кывйыслöн вылi веськыд пельöсас, шуам, kurk1 да kurk2;
б) некымын вежöртаса юркывъяслысь вежöртасъяссö торйöдöма араб лыдпасъясöн, шуам, päike;
в) неыджыд торъялöмъяс вылö индöны пасйöдъяс либö найöс гöгöрвоöдöма (шуам, abielluma).
Гöгöрвоöдöма кывъяссö налысь вежöртассö вуджöдтöдзыс, шуам, ajama. Гöгöрвоöдан туйын вермö лоны синоним, вежöртассö дженьыда восьтöм да мукöд сэтшöмтор.
Пасйöдъяссö (видзöд Пасйöдъяс да дженьдöдöмъяс) гижöма капитель шыпасъясöн вежöртассö гöгöрвоöдтöдзыс. Специальнöй терминъяс вылö индöны торъя пасйöдъяс (aj, ehit, med). Стиль пасйöдъяс индöны кывйыслöн стилистика вылö (kõnek, hlv). Кывъяслöн да кывтэчасъяслöн мöд ног гöгöрвоан (вуджöдöм) вежöртас вылö индö piltl пасйöд. Специальнöй пасйöдъяс характеризуйтöны кыдз эст кывсö, сiдз и комиöдöмсö да вуджöдöм мыччöдъяссö.
Комиöдöма эст юркывсö сылысь грамматикасö да вежöртассö тöдмöдöм бöрын – быд вежöртас номер торйöн – да тöдчöдöма лöзöн. Семантика боксяньыс öта-мöд дорас матiджык комиöдöмъяс костö пуктöма чутiк, ылiджыкъяссö торйöдалöма чута чутiкöн. Кутшöмкö кыв ли вежöртас кö веськыда комиöдны оз артмы, пуктöма кыкчута (:) и пыр жö сетöма кывйын бергалысь мыччöдъяс (да вуджöдöма найöс).
Комиöдöм бöрас вермас сулавны ыстöд Эст этимология кывчукöрса юркыв дорö, коми кывйыс кö лöсялö кутшöмкö эст кывкöд этимология боксянь. Тайö вермас лоны сiйö жö юркывйыс, шуам, kuusk (этимология боксяньыс коми коз лöсялö сiйö жö ► kuusk кывйыскöд), либö мöд кыв, шуам, surema (этимология боксяньыс коми кувны лöсялö ► koolma кывкöд). Ыстöдас личкигöн этимология кывчукöрса кывйыс воссьö выль листбокын.
Юркывнас вöдитчан мыччöдъяс петкöдлöны сылысь йитöдъяссö мукöд кывъяскöд. Мыччöдъяссö гижöма торъявтöм шрифтöн да сетöма юрнима кывсö комиöдöм бöрын. Мыччöднас вермö лоны (ясыда гöгöрвоана) тэчаса кыв, кывтэчас, кузьджык фраза либö дзонь сёрникузя.
Быд мыччöд либö сылысь торъя вежöртас вуджöдöма комиö (тöдчöдöма турунвижöн), корсюрö содтöма веськöдлöмсö да стиль пасйöд.
Ыстöдъяс вермöны чуйдны вежöртас либö грамматика. Вежöртас чуйдöма дженьдöдöмъясöн (vt, vt ka, vrd), кодъяс индöны мöд статья вылö, кытысь позьö аддзыны кывйыслысь вариантсö (шуам, seepärast vt sellepärast). Грамматика чуйдöма индан пасöн →, кодi ыстö видзöдлыны аслыспöлöс формаа кывйыслысь подув формасö (шуам, alates → algama, juuksed → juus).
Пасйöдъяс индöны:
Став кывчукöрас вöдитчан дженьдöдöмъяссö гöгöрвоöдöма дженьдöдöм лыддьöгын.
| < > | грамматика тöдмöс |
| ' | слоглöн III кузьтаыс |
| ` | вежласян ударение |
| & | сулалö орчча формаяс костын (грамматика тöдмöсын) |
| + | тэчаса кыв кост |
| { } | веськöдлöмлöн юалöм(ъяс) |
| → | грамматика чуйдан индöд |
Комиöн гижигöн кывчукöр дасьтысьяс мыджсисны медвыль орфография кывкуд вылö:
Нöшта кывчукöр вöчысьяс вöдитчисны татшöм öшмöсъясöн:
a b (c) d e f g h i j k l m n o p (q) r s š z ž t u v (w) õ ä ö ü (x) (y)
Скобкаӧ пуктӧма мӧд кывйысь босьтӧм шыпасъяс, кодъясӧс гижӧны сӧмын ӧтдор нимъясын да мукӧд кывйысь пырӧм кывъясын.
а б в г д е ё ж з и і й к л м н о ӧ п р с т у ф х ц ч ш щ ъ ы ь э ю я